ຄອຍສາວກັບຖິ່ນ
ໂດຍ: ບຸນພອນ ແກ້ວມະນີວົງ
ຍາມໜາວມາຮອດແລ້ວ ຈິດໃຈໝົ່ນທະລາຍໝອງ
ກະແສຟອງລົມໜາວ ຖະຫຼົ່ມກາຍມະໂນແມ້ງ
ຖະແຫຼງເປັນຄຳເວົ້າ ປະພັນກອນປະກາດຂ່າວ
ປ່າວຫານົງນາດນ້ອງ ໃຫ້ຄືນບ້ານຖິ່ນເດີມ
ກັບມາເຕີມກໍ່ຕັ້ງ ບ້ານເກີດຖິ່ນອຸທອນ
ໃຈຊາຍໝາຍຄຽງໝອນ ໝ່ອມພະນາງທາງເຈົ້າ
ມີສອງເຮົາຮ່ວມສ້າງ ທາງຊາຍໝາຍດັ່ງວ່າ
ມີນ້ອງມາແນບຂ້າງ ຄຽງຄ້ຳຄູ່ປະຄອງ ວ່ານາ
ເວລາບໍ່ຄອຍຖ້າ ປຽບດັ່ງນ້ຳບໍ່ຄອຍປາ
ການດາໄປຢູ່ໃສ ບໍ່ຕ່າວຄືນເມືອງບ້ານ
ຫຼືນົງຄານລືມກ້ຳ ດິນນາສວນຕາໄຮ່
ນາງຈຶ່ງໄລປ່ອຍຖິ້ມ ຄືເຫຍື້ອຝຸ່ນທຸລີ
ໃຈພີ່ຄິດຄ່ຳຄ້ອຍ ຄອຍຄ່ຳຄະນິງຫາ
ນະພາບານເບີຍສີ ບໍ່ປ່ຽນໄປຕາມນັ້ນ
ຄວາມສຳພັນພີ່ຊາຍນີ້ ບໍ່ມີອັນປຸນປຽບ
ທຽບແຜ່ນດິນແຜ່ນຟ້າ ສະຖຽນໝັ້ນໝື່ນປີ ພຸ້ນແລ້ວ.
ไม่มีความคิดเห็น:
แสดงความคิดเห็น